Тывага апрель 20-нин хүну төөгүлүг хүннерниң бирээзи болуп арткан.
Юбилейлиг 25-ки республика чергелиг аът чарыжы Чөөн-Хемчик кожууннуң Бора-Булак ховузунга Овур болгаш Сут-Хол кожууннарның шаңналы дээш болуп эрткен . Эрткен чылын шилчип чоруур улуг байзаны хүлээп алган Сүт-Хөл болгаш Өвүр кожуннарның чагырга даргалары Дайынчы Ондар , Аржаан Ооржак кожууннарының ажыл-ишчи чону-биле бүдүн чылдың дургузунда шыңгыы белеткенгеш, алды салыгга алды аңгы чычааннарны саткаш юбилейлиг улуг байырлалды бедик деңнелге деткикчилеп, эрттиргеннер.
Тыва Республиканың Чазаанын Даргазы Шолбан Кара-оолдуң тыва аъттарны өстүрер, нептередириниң дугайында тускай доктаалды ундургени-биле тыва малдарны нептередиринге улуг үлүг-хуузун киирип, сайзырадып чоруур , ТР-ның Чазак Даргазының оралакчызы Байбек Монгуш төрээн кожуунунуң девискээринде эртип турар байырлалга деткикчилеп, аалдап келген.
Чоннуң ынак байырлалы, чылгы-малдың чараш маргылдаазынга ниитизи-биле 40 аът киришкен. Чүгүрүктер, чырааларның байырлалын тыва спорттуң тергиин чарлакчызы Айдың Монгуш- Ишкин оглу чоннуң хөөнүн оттуруп, чарлакчылап эрттирген.
XXV-ки аът чарыжының байырлыг концердин Сүт-Хөл, Өвүр, Чөөн-Хемчик кожуннарының уран-чүүл ажылдакчылары болгаш ТР-ның артистери чонун өөртүп, байырлыг шинчини тургузуп солун концерти бараалгатканнар.Чөөн-Хемчик кожуннуң куратору, ТР-ның культура сайыды Алдар Тамдын уран-чүүл ажылдакчылары коллегаларын деткип, ажыл-хүлээргезин кылып, маргылдаага арыкчылап келген.
Байырлыг шинчиде хоочун чылгычыларга, көдээ ажыл-агыйның хоочуннарынга болгаш төлептиг мунукчуларга ТР-ның Чазааның, Дээди Хуралдың болгаш ТР-ның аът федерациязының шаңналдарын тывыскан.
ТР-ның көдээ ажыл-агый ямызының сайыды Эртине Даңзы-Белек болгаш республиканың аът федерациязының даргазы Таймир Сарыгларның удуртулгазы-биле хувааттынган ажылчын бөлүктерниң болгаш шииткекчи комиссияның кежигүннери малдарның аскы-дижин хынап, дурт-сынын хемчээп улуг ажылдарны чоргузуп кылганнар.
Ада-өгбелеривистен дамчып келген, тыва чоннуң ынак маргылдаазы аът чарыжының ам бо хүнге чедир республика чергелиг, бедик деңнелде хүнден хүнче чаа-чаа аарыкчыларны, киржикчилерни бодунче хаара тудуп эртип чорууру - чылгы, малга сонуургалдыг аарыкчыларның болгаш эн-не кол черни ээлеп чоруур чылгычыларның болгаш мунукчу оолдарның ачы-хавыяазы.
Дамчып чоруур улуг байза Барыын-Хемчик болгаш Бай-Тайга кожууннарны холунче шилчээн.
XXV-ки аът чарыжының түңнелдери:
Бирги салыг.
Байза кирген чоруктуг чавааларның ээлери:
1-ги черде Геннадий Монгуш (Каа-Хем)
2-ги черде Аяс Хомушку (Кызыл к.)
3-кү черде Амир Иргит (Бай-Тайга)
4-кү черде Андрей Шагдыр (Бии-Хем)
5-ки черде Айдыс Иргит (Чеди-Хөл)
Ийиги салыг.
Байза кирген чүгүрүк чавааларның ээлери:
1-ги черде Эртине Доржу (Улуг-Хем)
2-ги черде Айдыс Домбаа (Улуг-Хем)
3-кү черде Шораан Куулар (Таңды)
4-кү черде Владимир Монгуш (Кызыл к.)
5-ки черде Андрей Тондуп (Бии-Хем)
6-гы черде Артыш Монгуш (Чөөн-Хемчик)
7-ги черде Чалым Ооржак (Кызыл к.)
8-ки черде Менги Ондар (Чөөн-Хемчик)
Үшкү салыг.
Байза кирген чыраа аъттарның ээлери:
1-ги черде Аяс Хомушку (Кызыл к.)
2-ги черде Орлан Очур (Кызыл к.)
3-кү черде Аким Дары-Сүрүн (Улуг-Хем)
4-кү черде Артыш Монгуш (Чөөн-Хемчик)
5-ки черде Каң-Демир Куулар (Кызыл к.)
Дөрткү салыг.
Байза кирген челер аъттарның ээлери:
1-ги черде Дашмир Куулар (Кызыл к.)
2-ги черде Радомир Иргит (Кызыл к.)
3-кү черде Кежик Монгуш (Чөөн-Хемчик)
4-кү черде Иван Кара-Сал (Чөөн-Хемчик)
5-ки черде Айдыс Монгуш (Сүт-Хөл)
Бешки салыг.
Байза кирген улуг чоруктуг аъттарның ээлери:
1-ги черде Доржу Байыр (Улуг-Хем)
2-ги черде Аңчы Монгуш (Сүт-Хөл)
3-кү черде Амир Иргит (Бай-Тайга)
4-кү черде Дайза Монгуш (Чөөн-Хемчик)
5-ки черде Айдын Кызыл-оол (Барыын-Хемчик)
6-гы черде Орлан Санчы (Улуг-Хем)
7-ги черде Геннадий Натпит-оол (Чеди-Хөл)
8-ки черде Алим Ооржак (Барыын-Хемчик)
