Бистиң кожууннуң Ыдыктыг Хүрээзи ажыглалга киргенден бээр айның 8, 15, 30 чаазында болгаш өске-даа хүннерде тус черниң башкызы Кыргыс М.Д. доктаамал номналды чорудуп турар.
Эки хүннүң мендизи-биле, хүндүлүг чонувус! Бистиң кожууннуң Ыдыктыг Хүрээзи ажыглалга киргенден бээр айның 8, 15, 30 чаазында болгаш өске-даа хүннерде тус черниң башкызы Кыргыс М.Д. доктаамал номналды чорудуп турар. Бөгүн ай чаазы-биле 8-тиң хүнү- Ногаан Дарийги Бурганының хунү, Ыдыктыг Хүрээвиске номнал болуп эрткен. Бүгү-ле эки-даа, багай-даа кылган кылдыныглар бо хүн муң-муң катап көвүдээр. Номналга үезинде Маадыр башкы Алдын-Херел судурун тайылбырлап, хай-бачыттан, аас-дылдан, каргыш-чаткадан, озал-ондактан, бойдустуң халаптарындан камгалаар деп келген чүдүкчү чонга долу тайылбырны берген.
Ногаан Дарийги - Дрөлжаң
Тариназы: ОМ ТАРЕ ТУТАРЕ ТУРЕ СОХА.
Ногаан Дарийгиниң тариназы чуртталгада шаптараазыннарны арыглаар, каргыш-чатка, багай дүштерден камгалаар.
