Акция "Чылыг-биле үлеш"
Эки хүннүң мендизи-биле, хүндүлүг чонувус! Кожуун девискээринде чаңчыл болган ачы-дуза акциязы "Чылыг-биле үлеш" ам-даа үргүлчүлеп турар. Бо хүн, Хандагайты сумузунуң чаа соңгуткан Херээженнер чөвүлелиниң даргазы Сат Сюзана Көк-ооловна баштап алгаш, кежигүннери-биле катай ук акцияга идепкейлиг киржип, кожууннуң уругларга болгаш өг-бүлеге ачы-дуза чедирер төпке чылыг хептерни белекке берген. База ол ышкаш Херээженнер чөвүлели социал төптүң ажыл-амыдыралын сонуургап, катай ажылдажылганы дугуржуп, чугаалашканнар.
