"Кыштаг - аныяк өг-бүлеге" болгаш "Инек - чемгерикчи малым" 2020
Кожуун девискээринде губернаторнуң деткимче төлевилелдери аныяк өг-бүлелер, хөй ажы-төлдүг өг-бүлелер болгаш назы четпээннер аразында чедиишкинниг күүсетинип турар. Оларның чижээнге чылдың-на ажылчын чон хуралынга төлептиг өг-бүлелерни бадылап алырывыс "Кыштаг - аныяк өг-бүлеге" болгаш "Инек - чемгерикчи малым" хамааржыр. Ук деткимче кожууннуң сайщыралынга дыка улуг үлүг-хуузун киирип турар. Хандагайты сумузунда "Инек - чемгерикчи малым" деп төлевилелдиң бир дугаар киржикчилери Монгуш М.Д. биле Монгуш А.Х. өг-бүлези 2016 чылда алган бызаалыг инээ 8 баш чедир өскенин демдеглевес аргавыс чок. Бо хүн база-ла чаңчыл болган ук төлевилелдерниң 2020 чылда Хандагайты сумузунуң киржикчилерин чон хуралынга бир дем-биле соңгуп, бадылаан.
