Эки хүннүң мендизи-биле, хүндүлүг чонувус! Чылдың база бир онзагай үези - КЫШ.
Эки хүннүң мендизи-биле, хүндүлүг чонувус! Чылдың база бир онзагай үези - КЫШ. Чоннуң сагыш-хөөнү чайгаар хуулгаазын, бир-ле билдинмес болуушкуннар-биле бүргедипкен, арыннарында хүлүмзүрүг долган чоруп турарын көөр бис. Бо үеде хайгааралда турар өг-бүлелеривистиң болгаш назы-четпээннеривистиң аразында доктаамал кожуун девискээринде хыналдалар чорутунуп турар. База ол ышкаш уруглар албан черлеринде барып турар уругларның ада-иелеринге янзы-бүрү темаларлыг профилактиктиг лекция-чугаалажыышкыннарны башкылар-биле катай кожууннуң назы-четпээннер болгаш оларның эрге-ажыын камгалаар комиссияның кежигүннери эртирип турар. Бо хүн, Хандагайты сумузунуң "Чечек" уруглар садының школага белеткелдиг уругларының бөлүүнүң ада-иелеринге кожууннуң дугаары 3 полиция чериниң назы четпээннер инспектору Монгуш М.Н. биле сумунуң социал айтырыглар талазы-биле кол специализи Седен-оол В.М. "Уругларывыстың айыыл чок чоруу - бистиң холувуста", Бүгү делегейниң саттыныкчы чорукту болдурбас талазы-биле хүнүн (декабрь 9) таварыштыр "Бис саттыныкчы чорукка удур бис" деп аттыг лекция-чугаалажыышкынны база ажы-төлүн кырган-авазы, чоок төрелдеринге... дээн ышкаш улуска арттырып болбазын, албан нотариалдыг бадыткал бижиктиг болурун тайылбырлап, чугааны чоруткан. Ада-иелер улуг сонуургал-биле уруглар кижизидилгезинге хамаарышкан дыка хөй ажыктыг чүүлдерни билип алганнар. Ниити 20 ада- ие киришкен.
