Төрээн дылывыс хүнү-биле!!!
Тыва дылым
Азий типтиң төвүн чурттаан
Ажай буурул өгбелерниң
Өпей ырга алгаттырган
Өнчү болган эртинези-
тыва дылым
Хүнээректээн тыва чуртун
Хөңнү биче тыва чонну
Делегейге хөөмейге делгереткен
Деңнеп четпес хайыралыг- тыва дылым
Чеди харлыг биче чаштың
Сеткилинден шээжилеп шиңгээдири
Үжен алды үжүк сиңген
Үнелеп четпес эртинези- тыва дылым
Карак четпес талыгырда
Кадарчының дайгызының аялгазы
Өөрүшкү, өлчей-кежик,буян долган
Өртемчейге өртээ турбас - тыва дылым
(Шын,2017ч.ноябрь).
Светлана Седен-оол,
Дус-Даг суур.
