Чаа-Суур сумузунун кодээ ишчилеринге Шагаа байырлалында Овур кожууннун удуртулгазынын мурнундан байыр чедириишкиннерлиг бижиктерни, белек-селектерни соннээн.
Чаа-Суурнун девискээринде Кызыл-Хая баарында улуг назынныг огбе Валентина Натпит-ооловна Монгуштун аалынга чон Шагаалап чыылган. Аалчыларны уткуп, ыры-шоорун бараалгадып, янзы-буру тыва оюннарны ойнадып, шаннал-макталдарны, тиилекчилерге белектерни Валентина Натпит-ооловнанын 6 ажы-толу организастаан. База ол ышкаш Чаа-Суур сумузунун чагырга даргазы Бадырсан Иванович, кодээ культура бажынынын, ном санынын ажылдакчылары улуг-хуузун кииргеннер.
Кожууннун Хурал даргазынын оралакчызы Анай-Хаак Ивановна Лопсан-Серен, кожуун чагырга даргазынын оралакчызы Чодураа Даан-ооловна Шойдан, кодээ ажыл-агый эргелелинин зоотехниги Артык Анай-оолович Тюлюш аалдын хоочуннары 78 харлыг Валентина Натпит-ооловна база 85 харлыг Хаянмаа Биче-ооловна-биле чолукшуп, ак кадактарны хундуткелдин демдээ кылдыр сунганнар. Улуг огбелеривистин назы-хары улгады-даа берген болза, чугаа-сооду хоглуг-омак, чиик адак, хундулээчели аттыг болдулар. Делгээн аъш-чеми чаагай, тыва далган-тараазы, ак чеми янзы-буру, суттуг шайын аартап ханмас аал болду.
Чаа-Сууржуларнын эн-не ынак малы аът болганы аалда чылгы-малдын хойунден-не билдингир. Аът чарыштырары база шалбадаары эр-даа кыс-даа, улуг-биче-даа кижилернин сонуургаар оюну.
Байырлалдын эрттирикчилери чыылган чонунга, малчыннарынга, аалчыларынга четтиргенин илередип, кижи бурузун хол куруг чорутпааны оюн-тоглаанын туннелдеринден билдинген.
Малчыннарнын кышты хур-менди эрттип турарын, шээр малы бичиилеп торуп эгелээнин, удур-дедир бот-боттарынче сагыш салып чугаалажып турарын дыннаарга чоргааранчыын.
