Шагаа садыы" деп делгелге садыглажыышкын Өвүрде.
Шагаа садыы" деп делгелге садыглажыышкын Өвүрде.
2020 чылды уткаан Шагаа байырлалын таварыштыр тыва улустуң чаңчыл апарган садыглажылгазы Өвүр кожуун төвү Хандагайты суурга база болуп эрткен. Аңаа ак чем аймаан, шээр болгаш бода малдын эъдин, белеткеп каан ижин-хырын, доңуруп каан кат-чимисти, артыш-шаанакты, национал хевирге аргаан-дараан хептерни, чинчи-шурудан дискен каасталгаларны база чавагаларны, дүктен кылган чэъп, өртедип каан баш-дуюг, белен туткан манчы-бууза, боова-боорзак дээш чүнү сатпаан дээр.
Өвүр кожууннуң чагырга даргазы Аржаан Ооржак садыг-саарылга кылып келген база боттарынга херек чүүлдү садып ап келген чонга Шагаа таварыштыр байыр чедирген. Чымыштыг ажыл-иштиң кижилериниң садып турар тыва аъш-чеми, херекселдери чонга таарымчалыг өртекте саттынган.
Ниитизи-биле 26 кижи үүрмек саарылганы кылгаш 131 муң хире акшаны ажылдап алганнар. Саглы, Солчур база Хандагайты сумузуннуң идекпейлиг киржикчилеринге Хүндүлүг бижиктерни тывыскан.
Өнермаа Ооржак
Чагырга даргазының оралакчызы
